柯德莉夏萍的心頭好 ‧ Polaroid Land Camera Model 95

posted in: Uncategorized | 0

唔知你地心目中嘅女神係邊個,不過我知如果我話柯德莉夏萍係女神,一定唔會有人反對。樣靚、有愛心成日做慈善,仲要鍾意影相喎! 佢拎住呢部咁大嘅機係Polaroid嘅第一部相機,叫Model 95係因為當時售價係USD 95,但一推出就比人掃清,亦都奠定左Polaroid係攝影世界嘅地位!         

Imageplayground自家菲林袋

posted in: Uncategorized | 0

好感動 ! 本店終於有自己嘅菲林袋啦! 經過本店設計師同事嘅努力, 加上店員A君嘅死纏爛打之後。(可能係。) 屬於本店嘅菲林沖曬袋終於順利誕生!之前嘅客人已經可以率先使用啦!~

[攝影師分享] Andrew Querner

posted in: Uncategorized | 0

Stan Terg礦業在80年代以前曾是舊南斯拉夫最重要的產業,隨著90年代開始國家逐漸解體,不同民族的工人離開了南斯拉夫,當地的採礦便慢慢式微,當年的礦工也變成50、60歲的老人。攝影師 Andrew Querner拍下當地礦業沒有了前景,沒有其他工業發展的荒涼景象。與此同時,那片土地得到了前所未有的寧靜,人們生活平淡得像一面波平如鏡的湖水。  

90年代的漫畫:小孩子的玩具 (こどものおもちゃ)

posted in: Uncategorized | 0

雖然是一套少女漫畫,故事是以有名的少女童星倉田紗南及她其中一名同學羽山秋人為中心的校園愛情故事,但其實內容是以「小孩子」的角度去探討當時的社會問題。作品超越了一般的少女漫畫,得到社會各年代的支持。 因此TOMY公司就與小孩子的玩具出產寶麗來相機,而且非常之罕有。 不論寶麗來收藏者,或小孩子的玩具的粉絲,一定對此部獨一無二的相機愛不惜手(包括作為粉絲的小編)。  

|Minolta Hi-matic E & Minolta Hi-matic F |

posted in: Uncategorized | 0

雖然Hi-matic E唔係七劍之一(70年代日本七部最具收藏價值嘅RF相機),但好多人都仍然鍾情佢多過同系列七劍之一嘅Hi-matic 7SII,因為佢雖然冇得全手動操作,但佢係原廠製造而非Cosina代工,而且係當時第一部快門達1/1000嘅RF。配備Rokkor-QF 40mm f1.7大光圈鏡頭,低光源下仍然表現出色,加上高速快門,係snapshot嘅好工具。 Hi-matic E同Hi-matic F都係電子快門、自動曝光,分別在於E嘅鏡頭係40mm F1.7,而F就係38mm F2.8,仲有係快門方面,E嘅快門係2-1/1000,至於F係4-1/724,另外係E嘅機身大過F。兩部機都係用一隻停左產嘅電池,不過只要加個鈕扣就可以使用好common嘅LR44電池代替。

|Rollei 35 ‧ 小巧精細|

posted in: Uncategorized | 0

呢部機可謂經典中嘅經典,佢係1966年推出,當時係劃時代嘅設計,對整個相機業造成一個大衝擊。點解? 當時流行嘅係16mm菲林,但工程師Heinz Waaske認為應該要有一部口袋式相機,於是佢致力研發小型35mm全片幅相機。由於要將部機縮細,佢將鏡頭設計成伸縮,要將鏡頭伸出之後成個系統先可以操作,縮番入去之後亦要過一下片先可以將快門裝置拉緊。另外,為左進一步縮細機身,佢放棄左傳統揭蓋式後背,而採用分離式接合機身,用家換菲林嘅時候就要將成個後背滑出。 獨特嘅機身設計,再加上Heinz採用40mm鏡頭而唔係當道嘅50mm,令佢曾經被拒絕過好幾次,包括Leitz同Kodak。好彩最尾佢得到Rollei嘅賞識,先可以大量生產,以及到後期發展出一系列嘅Rollei 35相機,並成為經典。 呢部機有分德國製同新加坡製,係因為Rollei後來於新加坡開廠房,所以成個生產線搬左。呢部機亦有幾隻鏡頭,分別係Tessar 40mm F3.5、Sonnar 40mm F2.8、S-Xenar 40mm F3.5、Triotar 40mm F3.5。 Rollei 35機身細方便攜帶,但五臟俱全,而且鏡頭表現出色,影像銳利鮮明,整個系列都好受歡迎,連英女皇都擁有一部Rollei 35S Gold,你就知道,佢唔係一般相機咁簡單!

|Cannonet QL17 GIII ‧ 窮人Leica|

posted in: Uncategorized | 0

QL17係代表Quick Loading(快速上底片)同F1.7最大光圈,呢部機係傳說中嘅七劍之一,意思係70年代日本最值得入手嘅七部旁軸相機之一。點解咁堅? GIII係QL17嘅三代,亦係Canon最後一部全機械手動RF(RangeFinder)相機。配備Canon 40mm F1.7鏡頭,設有Auto(快門先決)及B快門,旁軸對焦,仲有Self-timer功能。 機身輕、影像銳利有層次係佢嘅特色,另外Quick Loading亦令上片更方便快捷,係隨身機嘅不二之選。高品質表現、金屬型格機身、又價格相宜,因此被譽為東洋Leica/窮人Leica。 有興趣?快啲上黎Imageplayground試機啦!

|Olympus 35DC ‧ 全自動易上手 |

posted in: Uncategorized | 0

|Olympus 35DC ‧ 全自動易上手 | 有時街拍好容易會「走雞」,因為始終都要較下光圈或者快門﹐但Olympus 35DC係一部全自動機,基本上用家要做嘅野就只有對焦、㩒快門、過片,方便至極,亦容易上手。 DC唔係Digital Camera咁解,而係Deluxe Compact嘅簡寫,話你知呢部係豪華隨身機!使用F.ZUIKO 40mm F1.7大光圈鏡頭,快門聲細,曝光準確,35DC絕對係街拍新手嘅選擇!  

【估焦的浪漫】Polaroid 1500 Instant Camera

posted in: Uncategorized | 0

此版本以Polaroid彩虹機的結構,配上手動對焦環,用的亦是SX-70菲林,機頂設有閃燈插糟。   香港一街都係地磚,每塊長度是一尺,除左用來行、用來掟,其實對估焦亦肯肯定有幫助。 Impossible Project 菲林優惠價!!! 3 Pack菲林,$500 5 Pack菲林,$750 只接受現金付款,數量有限,不設預留   地址:中環域多利皇后街11號3樓 查詢電話: 22064728