寶麗來「移膜」

posted in: news | 0

你地有無諗過可以將一張寶麗來相片嘅圖像印落平時日常生活中嘅物件度呢?例如:T-shirt、杯、玻璃等等。其實係有一個方法可以將你自己影嘅寶麗來整張原相片嘅圖像永久保存,咦個方法稱為「移膜」。     所謂移膜,即係喺寶麗來相片上,配合唔同嘅水溫,將寶麗來相片上嘅顯影藥水及相片表面嘅一層膠膜移除,將寶麗來相片上嘅影像變成啫喱狀嘅形態,然後再移印喺唔同物件上,例如T-shirt、杯、玻璃等等。而待移膜完全透乾定形之後,寶麗來嘅影像就可以永久保存! 所以簡單嚟講,移膜咦個方法絕對可以將你本身現有嘅寶麗來相片,原原整整地移印在不同嘅地方上。不論留為自己做紀念,抑或送俾人做紀念品或DIY禮物,都係一個唔錯嘅idea! By: Brielle Event: http://www.i-m-ageplayground.com/event-registration/?ee=359